jeudi 5 décembre 2013
A Cruazia dice "innò' à u matrimoniu gay
U populu croatu ha dettu "innò" à u "matrimoniu gay", per via di un referendu, iniziatu da u culletivu chjamatu "à nome di e famiglie" è sustenutu da a Chjesa Catolica u primu di dicembre 2013. 65% di i vutanti anu rispostu di Sì à a quistione : " Site d'accunsentu nant'à u fattu chì u matrimoniu sia solu quellu frà un omu è una donna ?".
A Custituzione di a Cruazia sarà dunque mudificata . Ci sarà scritta una difinizione di u matrimoniu cum'è "un unione trà un omu è una donna". Di fattu , sarà pruibitu ciò ch'ellu hè chjamatu in Francia, u "matrimoniu per tutti", è pruttetu u dirittu à una mamma è un babbu per i zitelli di stu picculu paese balcanicu.
Un'unione civile serà quantunque pussibile per i coppii omosessuali .
A dimarchja di resistenza populare è di cuscenza pulitica hè stata sustenuta da tutte e cumunità riligiose di a Cruazia ( catolichi, ortodossi, musulmani ), unite per a difesa di a Civilisazione Auropea , di pettu à a dicadenza occidentale prumossa da l'istituzione di l'U.E.
Per u cardinale di Zagabria, Josip Bozanic " Nisunu un puderà fà passà per matrimoniu ciò ch'un hè matrimoniu" .
I CRISTIANI CORSI salutanu sta vittoria di u fronte di a Tradizione annant'e forze di a Suvversione in Cruazia .
Inscription à :
Publier les commentaires (Atom)
Aucun commentaire:
Enregistrer un commentaire